قدرة العقل البشرى
شوف معايا كده عظمة خلق الله " الدماغ ".
- فيه تجربة اتعملت سنة 2013 من قبل باحثين من ألمانيا واليابان عن طريق استخدام أقوى وأفضل كمبيوتر"super computer" فى العالم اسمه"K computer" عشان يُحاكى ثانية واحدة من نشاط الدماغ البشرى .
- لو انت متعرفش ال"K computer" فهو كمبيوتر بيحتوى على 700 ألف مُعالج (processor) و 1.4 مليون جيجابايت ذاكرة (RAM) ، الكمبيوتر بيستهلك كمية كهرباء كبيرة جداا عشان يشتغل تقريبا 4 ميجا وات اللى بيكلفوا 400 دولار فى الساعة الواحدة ، ده غير إن الكمبيوتر بيُنتج كمية حرارة كبيرة جداا عشان كده بيستخدموا أنظمة تبريد معقدة جداا عشان يشتغل.
.
بعد ما عرفتك عالكمبيوتر العظيم ده نرجع بقى للتجربة.
.
- الكمبيوتر قدر إنه يُحاكى التفاعل بين 1.7 مليار خلية عصبية وأكتر من 10 تريليون وصلة عصبية (synapse) ، لو انت مفكر إن العدد كبير فدول كلهم مش مكملين 1% من شبكة الأعصاب الموجودة فى دماغك.
- الجميل فى الموضوع بقى إن الكمبيوتر الضخم ده اللى يشغَل مبنى كامل ومحتاج صيانة وتبريد باستمرار وغيره استهلك 40 دقيقة عشان يعمل اللى دماغك بيعمله فى ثانية واحدة.
سبحان الله!! 40 دقيقة عشان يُحاكى ثانية واحدة من اللى دماغك بيعمله.
كمان العلماء أثبتو ان جميع الأطفال اللى بتتولد نسبة ذكائها متساوية وهي ٨٠ ٪ والاختلاف اللى بيحصل لمعدل ذكائهم بعد الولاده ده بيكون ليه عوامل كتير ،
منها عوامل وراثيه وعوامل محيطه بالطفل زي اهتمام الاباء بتعليم الطفل وزيادة معرفته او اهمالهم ليه وتركه بلا تعليم ، كل ده بيأثر على الطفل وبيكون ليه نتائح سلبيه وده اللى بيؤدى الى اختلاف معدل ذكاء البشر
ليست هناك تعليقات:
إرسال تعليق